डोटी । डोटीको के.आई.सिंह गाउँपालिका-३, झिगाबस्तीका नाउटे भुलको घरमा आइतबार बिहान अकस्मात आगलागी हुँदा मानवीय तथा पशुजन्य बाहेक सम्पूर्ण घर पूर्ण रूपमा नष्ट भएको छ।
घटनापछि नेकपा माओवादी केन्द्र के.आई. सिंह गाउँपालिका कमिटीले सोमबार राहतस्वरूप २८ हजार २ सय आर्थिक सहयोग प्रदान गरेको छ। पार्टीका पालिका इन्चार्ज मिन मलासीले सहयोग मानवीय सेवा स्वरूप प्रदान गरिएको बताए ।
सहयोग रकम हस्तान्तरण कार्यक्रममा नेकपा माओवादी केन्द्र के.आई. सिंह गाउँपालिका अध्यक्ष नरेन्द्र बलायर, पुर्व अध्यक्ष दिलिप कठायत, यज्ञ पार्की, वडा नं. ६ का वडा अध्यक्ष कृष्ण राज जोशी, राम मल्ल, महेंद्र बिक लगायत स्थानीयको उपस्थिति रहेको थियो। नेकपा माओवादी केन्द्र के.आई. सिंह गाउँपालिका उपाध्यक्ष राम बहादुर बिकका अनुसार आगलागी पीडितलाई थप सहयोगका लागि पहल गरिनेछ।
