डोटी। डोटीको पूर्वीचौकी गाउँपालिकामा सम्पन्न छैटौँ स्थानीय तह स्तरीय राष्ट्रपति रनिङ शिल्ड प्रतियोगिताको उपाधि मष्टामाण्डौ माध्यमिक विद्यालय, पूर्वीचौकी–७ पोखरीले जितेको छ।
सरस्वती माध्यमिक विद्यालय सानागाउँमा पुस २६ गतेदेखि सञ्चालन भएको प्रतियोगितामा मष्टामाण्डौ माविले १४ स्वर्ण, ५ रजत, र ५ कांस्यसहित प्रथम स्थान हासिल गरेको हो।
प्रतियोगितामा ७ स्वर्ण, १ रजत, र ४ कांस्य पदकसहित सरस्वती माध्यमिक विद्यालय, सानागाउँ दोस्रो स्थानमा रह्यो। यस्तै, शाजेन्द्रश्वर माध्यमिक विद्यालय, खिरसैनले ४ स्वर्ण, ११ रजत, र ६ कांस्य पदक प्राप्त गर्दै तृतीय स्थान हासिल गर्यो।
विभिन्न ३० विद्यामा सञ्चालन भएको यस प्रतियोगिताका उत्कृष्ट प्रदर्शन गर्ने खेलाडीहरूलाई शिल्ड, मेडल, र प्रमाणपत्र प्रदान गरिएको थियो।
