डोटी – डोटीको बडीकेदार गाउँपालिका–५ केदारमाण्डौँ स्थित शिवजी आधारभूत विद्यालयका विद्यार्थीहरू अझै पनि जस्तापाताले बनेको टहरामा बसेर अध्ययन गर्न बाध्य छन्। विद्यालयको कक्षा ३, ४ र ५ मा अध्ययनरत बालबालिकाहरू टिनको टहरामा बसेर पढ्नुपर्ने अवस्थामा रहेको बिधालयले जनाएको छ ।
बालबालिकाको भविष्यसँग प्रत्यक्ष जोडिएको शिक्षा क्षेत्रमा अझै पनि सुरक्षित र उपयुक्त कक्षाकोठाको अभाव देखिनु चिन्ताको विषय बनेको छ। विद्यार्थीहरूलाई सहज, सुरक्षित र बालमैत्री वातावरणमा शिक्षा प्रदान गर्नुपर्ने समयमा टहरामा कक्षा सञ्चालन गर्नुपर्ने अवस्थाले विद्यालयको भौतिक पूर्वाधारको अवस्थामाथि प्रश्न उठाएको छ।
विद्यालयको अवस्था सुधार गर्न सम्बन्धित निकायसँग समन्वय गरी आवश्यक बजेट र योजना पटक पटक माग गरिए पनि बिधालय भवनको लागि आवस्यक बजेट नपरेको बिधालयका प्रधानाध्यापक सेर बहादुर थापाले बताउनु भयो ।
विकासका योजना छनोट गर्दा व्यक्तिगत पहुँच र स्वार्थभन्दा नागरिकको वास्तविक आवश्यकता तथा सार्वजनिक हितलाई प्राथमिकता हुनुपर्ने मा त्यसो देखिदैन ।
