युरोपियन युनियनको आर्थिक सहयोग र संयुक्त राष्ट्र सङ्घीय निकायहरु (आई एल ओ, युएन एफ पि ए, युनिसेफ र युएन वुमेन) द्धारा सञ्चालित सशक्त महिला समृद्ध नेपाल कार्यक्रमको एकदिने अभिमुखिकरण कार्यक्रम सम्पन्न भएको छ । युनिसेफ नेपालको आर्थिक सहयोग, जोरायल गाउपालिका डोटी संगको समन्वय सहकार्य र निड्स नेपाल कञ्चनपुर द्धारा अभिमुखिकरण कार्यक्रम जोरायल गाउँपालिकामा सम्पन्न भएको हो । सशक्त महिला समृद्ध नेपाल परियोजनाले जोरायल गाउँपालिकाका अपांङ्गता समन्वय समिति, पालिका स्तरिय बिषयगत प्रमुख र जनप्रतिनिधि हरुलाई १ दिने अपांङ्गता अधिकार र नीतिगत ब्यबस्था सम्बन्धिको अभिमुखिकरण कार्यक्रम आयोजना गरेको हो ।
जोरायल गाउपालिका अध्यक्ष दुर्गा दत्त ओझाको अध्यक्षतामा आयोजना गरिएको कार्यक्रममा गाउँपालिका उपाध्यक्ष जमुना बोहरा, प्रमुख प्रसाशकीय अधिकृत गणेश दत्त भट्ट, वडा अध्यक्ष, कार्यपालिका सदस्य लगायत को सहभागीता रहेको थियो । त्यसैगरी अभिमुखिकरण कार्यक्रममा एफ पि ए, युनिसेफ, युएन वुमेन र निड्स नेपालका प्रतिनिधीहरुको पनि सहभागीता रहेको थियो ।
सोही कार्यक्रममा सुदूरपश्चिम बिश्व बिधालयका उप प्राध्यापक डा यज्ञ राज पाण्डेयले अपांङ्गता अधिकार र नीतिगत ब्यबस्था बारे सहजीकरण गर्नु भएको थियो । जोरायल गाउपालिकाका बिषयगत शाखा प्रमुखहरुले महिला मैत्री बजेट निमार्ण र कार्यान्वयनमा बिशेष पहल रहेको बिगतको असल अभ्यास रहेको बताएका थिए । पालिका स्तरका सबै शाखाले बजेट कार्यान्नवयनमा कुनै न कुनै शिर्षकमा महिला, बालबालिका तथा अपांगता भएका ब्यक्ति तथा समुदायको हक हितका लागी कार्यक्रम गर्ने गरेको बताए ।
जोरायल गाउपालिकाले महिला, बालबालिका तथा अपांङ्गता भएका ब्यक्ति तथा समुदायको हकहितको लागी बिभिन्न नीति तथा कार्यबिधी बनाएर कार्यक्रमहरु संचालन भईरहेको उपाध्यक्ष जमुना बोहराले जानकारी दिनुभयो । त्यस्तै गाउँपालिका अध्यक्ष दुर्गादत्त ओझाले हानिकारक सामाजिक मुल्य मान्यताले मानब जीवनको बृद्धी र बिकासमा अबरोध गरिहेकोले समुदाय स्तरमा रुपान्तरण गर्न यो चुनौती बिषय बनेको बताउनुभयो । एक्लै पालिकाको प्रयास ले यो सम्भब नभएको र यसका लागी बिभिन्न सहयोगी साझेदार संघ सस्था, प्रदेश तथा संघिय सरकारको सहयोग र प्रतिबद्धताको खाचो रहेको अध्यक्ष ओझाले जोड दिनुभयो ।
