डोटीको बोगटान फुड्सिल गाउँपालिका वडा नम्बर-२ केदारअखडामा जेष्ठ नागरिकलाई चिसोबाट जोगाउन न्यानो कपडा वितरण गरिएको छ।
वडा नम्बर-२ का ६६ जना जेष्ठ नागरिक (महिला र पुरुष) लाई एक/एक थान कम्बल वितरण गरिएको हो। चिसो मौसमलाई मध्यनजर गर्दै गरिएको यो सहयोगले जेष्ठ नागरिकहरूको मनोबलमा सकारात्मक प्रभाव पारेको छ।
वडाध्यक्ष भरत बमले जेष्ठ नागरिकलाई राज्यको अनुभूति गराउन र उनीहरूको मनोबल बढाउन यो कार्यक्रम सञ्चालन गरिएको बताए।
न्यानो कपडा पाएपछि वृद्धवृद्धाहरू खुसी भएका छन्। यो अभियानले जेष्ठ नागरिकप्रति सम्मान र सहानुभूतिलाई अझ बलियो बनाएको स्थानीयहरूले बताएका छन्।
