काठमाडौं । नेपाली कांग्रेसका नेता तथा पूर्वमन्त्री मोहम्मद अफताब आलमको निधन भएको छ। सिनामंगलस्थित काठमाडौं मेडिकल कलेजमा उपचाररत आलमको आज बिहान करिब ३ बजे मृत्यु भएको पारिवारिक स्रोतले पुष्टि गरेको छ।
स्वास्थ्यमा एकाएक जटिलता देखिएपछि केही दिनअघि उनलाई अस्पताल भर्ना गरिएको थियो। सुगर, उच्च रक्तचापलगायत समस्याहरू तीव्र बन्दै गएपछि आलमलाई भेन्टिलेटरमा राखेर उपचार गराइँदै आएको थियो। चिकित्सकहरूको निरन्तर प्रयासका बाबजुद उनको अवस्था झनै गम्भीर हुँदै गएपछि निधन भएको जनाइएको छ।
उनको शव आज बिहान एम्बुलेन्समार्फत गृहजिल्ला रौतहट लगिएको छ। अन्तिम दाहसंस्कारका लागि शव राजपुरतर्फ लैजाने तयारी भएको पारिवारिक स्रोतले जानकारी दिएको छ।
