डोटी : सुदुरपश्चिम प्रदेशको प्रमुख धार्मिक तथा पर्यटकीय स्थल ठुलाकेदार धाममा यहि फागुन ३ गते महा शिवरात्रिको अबसरमा बृहत् मेला लाग्ने भएको छ । बडिकेदार पर्यटन विकास तथा व्यवस्थापन एक समितिले सूचना जारी गर्दै यस बर्षको शिबरात्रि
मेला भब्य हुने जनाएको छ । सूचनामा उल्लेख भए अनुसार भब्य मेला सँगै बडिकेदार पर्यटन विकास तथा व्यवस्थापन समितिका नब नियुक्त पदाधिकारीको सफत ग्रहण र केदार पुजन कार्य समेत हुने उल्लेख गरिएको छ ।
साथै शिवरात्रीको अवसरमा उक्त दिन विशेष रुद्री पाठ, महादीप प्रज्वलन तथा भगवान शिवको विधिपूर्वक पूजाआजा गरिने बडिकेदार पर्यटन विकास तथा व्यवस्थापन समितिका कार्यकारी अधिकृत गणेशराज जोशीले बताउनु भएको छ ।
ठुलाकेदारमा हरेक बर्ष कार्तिक शुक्लचतुर्दशी मा भब्य मेला लाग्ने गरेको छ भने महा शिवरात्रिमा पनि मेला लाग्ने गरेको छ ।
ठुलाकेदार बाबाको दर्शन गर्नाले मनकामना पूरा हुने जनबिश्वास रहिआएको छ । विशेष गरि कार्तिकशुक्ल चतुर्दशीमा नेपालका विभिन्न जिल्ला र भारत लगायत अन्य मुलुक बाट समेत भक्तजनको घुइचो लाग्ने गरेको छ ।
