यहि अगस्ट १८ तारीखको दिन प्रवासी नेपाली संघ भारत , कर्नाटक – केरला संयुक्त राज्य समिति द्वारा संचालित मन्डुर-बोमेनहल्ली नगर समिति बैंगलोर अन्तर्गत मन्डुर बैंगलोरको संगठन विस्तार भएको छ ।मन्डुर बोमेनहल्ली क्षेत्रमा अस्थायी बसोबास गर्ने प्रवासी नेपाली समुदाय बिच मन्डुर-बोमेनहल्ली नगर समिती अध्यक्ष यादव कुमार ओली उपाध्यक्ष कमला ओली लगाएतको उपस्थितमा संगठन बिस्तार भेला सम्पन्न भएको छ।
उक्त भेलामा कर्नाटक – केरला संयुक्त राज्य समिति उप-सचिव तथा मन्डुर-बोमेनहल्ली नगर इन्चार्ज दिपक बिक को प्रमुख अतिथ्यता रहेको थियो । भेलाले जिवन कडेलको अध्यक्षतामा १३ सदस्यीय मन्डुर प्रारम्भिक समिति गठन गरेको छ । नव गठित मन्डुर प्रारम्भिक समिति (ख) का कार्यकारिणी हरुलाई राज्य समिती उप-सचिव दिपक बिकले पद तथा गोपनियताको सपथ ग्रहण गराएका थिए । त्यस्तै मन्डुर -बोमेनहल्ली नगर समिती अध्यक्ष यादव कुमार ओली लगाएत उपस्थित पदाधिकारीहरुले नव निर्वाचित कार्यकारणीहरुलाई सफल कार्यकालको शुभकामना सहित प्रशिक्षण मन्तव्य राखेका थिए !
