डोटी । बोगटान फुड्सिल गाउँपालिका मा गाउँपालिका स्तरीय बोगटान प्रिमियम लिग (बिपिएल) पुरुष क्रिकेट प्रतियोगिता हुने भएको छ । बोगटान फुडसिल गाउँपालिका र वडा नम्बर २ को मुख्य प्रायोजन तथा अन्य ६ वडाको प्रायोजन र बोगटान युवा सञ्जालको आयोजनामा प्रतियोगिता सञ्चालन हुन लागेको हो ।
हिन्दु नेपाली हरुको महान चाड बिजया दशमी तथा शुभ दिपावलीको अबसरमा यहीँ असोज २० गते देखि प्रतियोगिता सञ्चालन हुन लागेको युवा सञ्जालका महासचिव समीर केशीले जानकारी दिएका छन । बोगटान फुडसिल गाउँपालिका वडा नम्बर ६ . गगुडामा सञ्चालन हुने क्रिकेट प्रतियोगिताको लागि असोज १८ र १९ गते टिम दर्ता गर्न सकिने भएको छ । टिम दर्ता गर्दा शुल्क ३ हजार ५सय रहेको आयोजकले बताएका छन ।
आइसिसीको नियम भित्र रहेर आयोजना हुन लागेको प्रतियोगिताको बिजेताले नगत रु ५० हजार पाउने छ । त्यस्तै दृतियले नगत रु ३० हजार उत्कृष्ट खेलाडीले रु ३ हजार पाँचसय , उत्कृष्ट ब्याटसम्यानले रु २ हजार र उत्कृष्ट बलरले रु २ हजार पाउने छन । टिम दर्ता फोन बाटपनी गर्न सकिने आयोजकले जनाएका छन ।
