डोटीको शिखर नगरपालिका–९ का कृष्णराज भट्टको हराएको डेढ लाख रुपैयाँ इमान्दारिताको उत्कृष्ट उदाहरणसहित फिर्ता भएको छ। उग्रतारा यातायात प्रणालीका काउन्टर इन्चार्ज समेत रहेका भट्टले रकम फिर्ता पाएपछि अत्यन्त खुसी भएको बताए ।
केआई सिंह गाउँपालिका–६ सलेनाका सह-सहचालक कैलास नाथले दिपायलस्थित जेबीएएल स्टोर नजिकै डेढ लाख रुपैयाँ भेट्टाएका थिए। इमान्दार कैलास नाथले भेटिएको रकम चालक कैलाश तिरुवालाई बुझाएका थिए।
तिरुवाले रकमको फोटोसहित सामाजिक सञ्जालमा पोस्ट गरेपछि हराएको रकमको वास्तविक धनीको पहिचान सम्भव भएको थियो।प्रहरीको रोहबरमा रकम भट्टलाई हस्तान्तरण गरिएको छ।
