काठमाडौं । गायिका मेनुका राईको स्वरमा सजिएको नयाँ डान्सिङ गीत ‘हेलो हाई नमस्कार’ सार्वजनिक गरिएको छ। गीतमा चन्द्र जयपाल राईको शब्द र डी आर अटुको संगीत सुन्न सकिन्छ।
प्रेम र पिरतीका भावहरुलाई समेटेर तयार पारिएको गीतमा सोनम तामाङ र संजना गुरुङले फिचरिङ गरेका छन्। भिडियोको निर्देशन जस बहादुर याक्खाले गरेका छन् भने पुनम श्रेष्ठको कोरियोग्राफी रहेको छ।
ज्ञानेन्द्र शर्मा हुमागाईँले छायांकन र राकेश दाहालले सम्पादन गरेका छन्। गीतको आकर्षक दृश्य संयोजन र लयबद्ध प्रस्तुतिले दर्शक तथा श्रोताको मन जित्ने अपेक्षा गरिएको छ।
