खेम खत्री ,डोटी :- प्रत्येक बर्ष भाद्र कृष्ण अष्टमिका दिन मनाइने श्रीकृष्णजन्माष्टमी पर्व आज धुमधामले मनाउँदै छ ।आज भगवान श्रीकृष्णको पुजा आराधना गरि यो पर्व मनाइदै छ । संसार भरका हिन्दु धर्मावलम्बीहरुले श्रीकृष्णका भक्तहरूले आज भगवान श्रीकृष्णको जन्मको अबसर पारेर विभिन्न पूजापाठ गरेर मनाउछन।
हातमा मुरुली ,शिरमा मयुरको प्वाँख ,शितल बगैचामुनि , जिवजन्तुहरुको साथमा गोपिनीहरुको मायामा बाँसुरीको मधुर धुन यस्तै वातावरणमा बिराजमान भगवान श्रीकृष्ण आजको दिन माया कंशको कैदमा रहेका पिता बासुदेव र माता देवकिको कोखबाट जन्म भएको मान्यता रहि आएको छ । कृष्णजन्माष्टमी लाई सात आठम , गोकुलष्टिम , अष्टमी , राहिनी ,श्री कृष्ण जयन्ती , श्री जयन्ती या कहिलेकाहीँ साधारण भाषामा जन्माष्टमी भन्ने चल्न रहिआएको छ ।
कृष्णजन्माष्टमीमा हिन्दुहरुले भगवान श्री कृष्णको पुजाआराधना गरि श्रद्धा भक्तिपुर्वक मनाउँदै आरहेका छन । ज्ञानयोग कर्मयोग र भक्तियोगका प्रणेता भगवान श्रीकृष्णको जन्म द्रापयुगमा हिन्दु पञ्चाङग अनुसार भाद्र कृष्णअष्टमिको मध्यरातमा भएकाले उक्त दिनलाई श्रीकृष्णजन्माष्टमी मनाउने चलन रहिआएको छ । जन्माष्टमीका दिन पुजा आराधना प्रवचन , भजन – कृर्तन साथै महिलाहरु व्रत बसी रातभर जाग्राम बस्ने चलन चलिआएको छ ।
अन्याय अत्याचार र राक्षसी प्रवृत्तिबाट मानव मात्रको संरक्षण गर्न भगवान बिष्णुको आठौं अबतारको रुमामा जन्मेका श्रीकृष्णले आजिवन सत्यको पक्षमा रही सत्कर्मका लागि मानव समुदायलाई प्रेरित गरेका थिय भन्न्र मन्यता रहेको छ । बाल्यकाल देखिनै आफ्ना बिचित्र लिला देखाएका श्रीकृष्णले पुतना , कंस जरासन्ध शिशुपालजस्ता दानवि प्रवृत्तिको संहार गरदै आएको किंवदन्ती पनि पाइन्छन् ।
जन्माष्मिका दिन पाटनको मंगलबजार स्थित प्रसिद्ध कृष्ण मन्दिरमा ठुलो मेला लाग्ने गर्दछ । यसै अबसरमा काठमाडौं लगायत देशैभरका विभिन्न धार्मिक संङघ संस्थाहरुद्रारा श्रीकृष्णको झाँकी सहिद शोभायात्रा निकाल्ने चलन रहि आएको छ । भारतमा समेत विभिन्न समुदायमा हिन्दु धर्मावलम्बीहरुले श्रीकृष्ण जन्माष्टमी हर्षोउल्लासका साथ मनाउने गर्दैछन् ।
