श्रीकृष्णजन्माष्टमीको अवसरमा मटका फोड कार्यक्रम आयोजना गरिएको छ । डोटीको सिलगढीमा रहेको राधाकृष्ण मन्दिर इन्द्रचोकले उक्त कार्यक्रमको आयोजना गरेको थियो ।
मटका फोड कार्यक्रमको व्यवस्थापन सिलगढीमा रहेको नेपाली सेनाको भैरवप्रसाद गण र आर्थिक सहयोग दिपायल सिलगढी नगरपालिका वडा नम्बर ५ र ६ ले गरेका थिए ।
आयोजित कार्यक्रममा पाँचवटा समुहको सहभागीता रहेको थियो। कार्यक्रममा नेपाली सेनाको भैरव प्रसाद गण मटका फुटाउन सफल भएको थियो । सफल समूहले नगद १५ हजार ५ सय ५५ पुरुस्कार प्राप्त गरेको थियो । कार्यक्रममा भैरव प्रसाद गण संगै सशस्त्र प्रहरी ,नेपाल प्रहरी ,राधाकृष्ण मन्दिर र बैंकर्स समुहले सहभागिता जनाएका थिए।
