बझाङ। बझाङको धमेना क्षेत्र केन्द्रबिन्दु भएर मंगलबार साँझ ५:०७ मा ४.३ रेक्टरस्केलको भूकम्प गएको छ। राष्ट्रिय भूकम्प मापन तथा अनुसन्धान केन्द्र लैनचौरका अनुसार धमेना आसपास केन्द्रबिन्दु बनाउँदै भूकम्प गएको हो।
यसअघि, बझाङकै रायाल क्षेत्र केन्द्रबिन्दु भएर ३.९ रेक्टरस्केलको भूकम्प गएको थियो। लगातार भएका भूकम्पका झट्काहरूले स्थानीयको ध्यान आकर्षित गरेको छ।
भूकम्पको झट्का आसपासका क्षेत्रमा पनि महसुस गरिएको बताइएको छ।
