डोटी :डोटीको दक्षिण भेगमा रहेको बडीकेदार गाउँपालिका–१ रुमायल गाउँका १३ घर परिवार पहिरोको उच्च जोखिमा परेका छन ।
गाउँपालिकाको वडा नम्बर –१मा रहेको रुमायल गाउँमा बस्दै आएका १३ घरधुरीमध्ये केहि परिवार पहिरो खस्ने डरले आफन्तको घरमा बसाइँ सरेका छन भने केही भने गाउमै बसीरहेका छन ।
गाउँमाथि रहेको सहजपुर बोगटान सडक निर्माण भए सगै गत बर्षको अबिरल बर्षाले चिराबिरा परेर सडक भासिए पछि बस्तीनै जोखिममा परेको स्थानिय नर बहादुुर बुढामगरले बताउनु भयो ।
उहाँले आफूहरु अहिले टहरा बनाएर अस्थायी आवासमा बसेको र फेरि त्यही ठाउँमा गएर बस्न सक्ने स्थिति नभएकोले स्थानिय सरकार सघ स्थायी आवासको व्यवस्था मिलाइदिन उहाले आग्रह गर्नु भएको छ ।घर बनाउँदा आफूहरुले श्रमदान गर्ने तर लाग्ने लागत सरकारलाई उपलब्ध गराइदिन स्थानियले माग गरेका छन
आफुहरु अहिले छिमेकीका घरमा बस्दै आएको छौ । सकेसम्म छिटो स्थायी ठेगाना मा बसोबासका लागी व्यबस्था मिलाइदिन स्थानिय सरकार सघ सोही ठाउँका स्थानीयवासी मान बहादुर तारामीले बताउनु भयो ।
गाउँ माथिबाट कालोपत्र गरिएको सहजपुर बिपिनगर बोगटान सडक भासिएको छ । पुरै सडकको नालीको पानी सडकमा आउछ जुनसुकै समयमा थप पहिरो आउन सक्ने र घर भत्किने जोखिममा रहेको बडीकेदार गाउँपालिका वडा नम्बर–१ का स्थानिय उत्तम सिम्सेलीले बताउनु भयो ।
गाउँपालिकाको ५ वटै वडाका धेरै जस्तो बस्ती पहिरो उच्च जोखिममा देखिन्छ्न तर पनि सम्बन्धि सरोकारवालाले ध्यान दिएको देखिदैन ।
बहुप्रतिक्षित सहजपुर बिपिनगर बोगटान सडक गाउँकै माथी बाट गएको छ । तर सडक मुनि रहेको बस्ती सडक भाँसिदा पहिरोको उच्च जोखिममा परेको छ त्यस कारण यस तर्फ सम्बन्धि सरोकारवालाले समयमै ध्यान दिन जरुरी देखिन्छ ।
