जाजरकोट, – जाजरकोट केन्द्रबिन्दु भएर शुक्रबार साँझ भूकम्प गएको छ। राष्ट्रिय भूकम्प मापन केन्द्रका अनुसार भूकम्प साँझ ८ बजेर ७ मिनेटमा गएको हो।
केन्द्रले दिएको जानकारीअनुसार भूकम्पको केन्द्रबिन्दु पैंक क्षेत्र आसपास रहेको छ। भूकम्पको तीव्रता ५.२ म्याग्निच्युड मापन गरिएको छ। यसको धक्का जाजरकोटका साथै आसपासका जिल्लाहरूमा पनि महसुस गरिएको थियो।
यसअघि बिहीबार अपराह्न दार्चुलामा पनि भूकम्प गएको थियो। उक्त भूकम्पको केन्द्रबिन्दु अपी हिमाल क्षेत्र आसपास रहेको थियो। सो भूकम्पको तीव्रता ४ म्याग्निच्युड मापन गरिएको थियो।
