कैलालीको अत्तरियामा रहेको न्यू समाज डेन्टल क्लिनिकको सहयोगमा गोदावरी नगरपालिका– ६ लालपुरमा रहेको कल्प पाठशालामा एक दिने निःशूल्क दन्त शिविर आयोजना गरिएको छ ।
संचालित दन्त शिविर बाट ४ सय ५० जना भन्दा बढी दाँतको समस्या भएका ब्यक्तिहरुले दन्त सेवा लिएका छन । न्यू समाज डेन्टल क्लिनिकका संचालक रमेश जोशीका अनुसार शिविरमा पाठशालाका कर्मचारी, विद्यार्थी र अभिभावकहरुलाई निःशुल्क रुपमा दन्त सेवा दिईएको थियो ।शिविरमा दाँतको चेकजाँच गरिनुको साथै जटिल समस्या भएका बिरामीहरुलाई विशेष छुटका साथ न्यू समाज डेन्टल क्लिनिकमा उपचार गर्ने विद्यालय र आफुहरु बिच सम्झौता भएको संचालक जोशीले बताए ।
संचालक जोशीका अनुसार आगामी दिनमा अन्य विद्यालयहरुमा पनि यस्तै खालका सम्झौता गरेर दन्त शिविर चलाउने योजना रहेको जानकारी दिए । हाल दाँतको समस्या सबैमा रहेकोले आफुले विद्यार्थी , शिक्षक कर्मचारी र अभिभावकको दाँतको जटिल उपचार सहुलियतमा गरिदिने उदेश्यका साथ विद्यालयहरु संग सम्झौता गरेर सेवा दिने योजना रहेको डेन्टलले जनाएको छ ।
