धनगढी । कञ्चनपुरमा चट्याङ लागेर दुई जनाकाे मृत्युु भएकाे छ ।
दाेधाराचाँदनी नगरपालिका- ४ काे भट्टीनालामा चट्याङ लागेर ३४ वर्षीय यमबहादुर सुनारकाे मृत्युु भएकाे प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) उमेश जाेशीले बजारबाट घर फर्किने क्रममा गुटिलकाे रूखमुनी ओत लागेर बसेका बेला एक्कासि चट्याङ लागेर सुनार घाइते भएका थिए ।
उनकाे उपचारका क्रममा दाेधाराचाँदनी अस्पतालमा मृत्युु भएकाे डीएसपी जाेशीले बताए ।चट्याङ लागेर साेही ठाउँका ३६ वर्षीय जगते सुनार घाइते छन् ।
यस्तै बुधबार नै लालझाडी गाउँपालिका-१ नौरङगा बस्ने २८ वर्षीय हिरामति रानाकाे पनि चट्याङ लागेर मृत्युु भएकाे छ ।
घर नजिकै बारीमा काम गरिरहेको अवस्थामा चट्याङ लागेर घाइते रानालाई धनगढीकाे निर्सग अस्पताल पुगाइएकाेमा उपचारका क्रममा चिकित्सकले मृत घाेषणा गरेका थिए ।
