कैलालीको लम्कीचुहा नगरपालिका वडा नं. ०३ गोराङ्गे स्थित कर्णाली नदीको पश्चिम भागमा आज बिहान करिब १०:२५ बजे एक बेवारिसे पुरुष मृत अवस्थामा फेला परेका छन्।
प्रहरीका अनुसार मृतकको वर्ण गहुँगोरो, उचाई करिब ५ फिट ७ इन्च, हल्का गाढा हरियो रङको कुर्ता सुरुवाल, कालो रंगको स्पोर्ट जुत्ता, घाटीमा कालो जन्तर बाँधेको र दाहिने हातको माझी औँलामा चाँदीजस्तो देखिने औँठी रहेको छ। पातलो शरीर भएको उक्त व्यक्ति अन्दाजी ६० देखि ६५ वर्षका छन्।
मृतकको पहिचान अझै खुल्न नसकेकाले फोटोको आधारमा चिन्नुहुने व्यक्तिहरूलाई इलाका प्रहरी कार्यालय, चिसापानीको मोबाइल नम्बर ९८५८४८८८९९ मा सम्पर्क राख्न आग्रह गरिएको छ।
