डोटी जिल्लाको बडिकेदार गाउँपालिका-२ अन्तर्गत सहजपुर बोगटान सडक खण्डको चिन्नेमा एक महिला मृत अवस्थामा फेला परेकी छन्।
जिल्ला प्रहरी कार्यालय डोटीका अनुसार ५५ वर्षीया भागदेवी भाटको शव सडकबाट करिब एक सय मिटर तल भिरालो जमिनमा घोप्टो परेको अवस्थामा भेटिएको हो। प्रहरीका अनुसार उनी आफ्नो घरबाट माइतीतर्फ जाने क्रममा मृत्यु भएको जनाएको छ।
स्थानीयले भने उनी लामो समयदेखि उच्च रक्तचापले पीडित रहेको जनाएका छन्। घटनाको थप आवश्यक अनुसन्धान भइरहेको प्रहरीको भनाइ छ।
