डडेल्धुरा: सोमबार दिउँसो डडेल्धुराका विभिन्न क्षेत्रमा परेको असिनासहितको वर्षाले फलफूल तथा तरकारी खेतीमा ठूलो क्षति पुर्याएको छ। करिब ४ बजेतिर आएको असिनापानीले खेतमा राखिएको मलदेखि फलफूल र तरकारीसम्म व्यापक असर पुर्याएको स्थानीयले बताएका छन्।
जिल्लाका अधिकांश क्षेत्रका कृषकहरूले रायो, खुर्सानी, बन्दा, काउली, र भर्खरै रोपिएको आलु बालीमा असिनाले क्षति पुर्याएको गुनासो गरेका छन्।
नवदुर्गा गाउँपालिका वडा नम्बर ३ का किसानहरूले असिनापानीका कारण यस वर्षको खेतीमा धेरै नोक्सान हुने चिन्ता व्यक्त गरेका छन्।
