कालीकोटको पलाँता गाउँपालिका–७ को राडुनेटा भन्ने ठाउँमा जिप दुर्घटना हुँदा ६ जनाको घटनास्थलमै मृत्यु भएको छ।
जिल्ला प्रहरी कार्यालय कालीकोटका प्रहरी प्रमुख डीएसपी टेकबहादुर रावतका अनुसार, जिपमा २० जना सवार थिए र १३ जना घाइते भएका छन्। तिहार विदा मनाएर फर्किरहेका यात्रु दुर्घटनामा परेका हुन्।
उक्त जिप सडकबाट करिब ३०० मिटर तल खसेको बताइएको छ। मृतकको पहिचान खुल्न सकेको छैन र घटनाबारे थप अनुसन्धान भइरहेको छ।
