डडेल्धुराको आलिताल गाउँपालिका-१ स्थित घण्टेश्वर मन्दिर नजिक भीमदत्त राजमार्गमा ट्याक्टर दुर्घटना हुँदा चालकको ज्यान गएको छ।
मंगलबार बिहान ३ः३० बजे साहुखर्कबाट गैरा जाँदै गरेको से २ त २४३१ नम्बरको ट्याक्टर नालिमा पल्टिएपछि उक्त दुर्घटना भएको हो।
दुर्घटनामा परेका ट्याक्टर चालक कैलालीको घोडाघोडी नगरपालिका-१० पहलवानपुर निवासी ३० वर्षीय विशाल चौधरीको ट्याक्टरको टायरमुनी च्यापिएर घटनास्थलमै मृत्यु भएको जिल्ला प्रहरी कार्यालय डडेल्धुराले पुष्टि गरेको छ।
