अछाम -अछामको ढकारी गाउँपालिका–८, पल्सातामा बाख्रा चराउन गएका दुई किशोरी मृत फेला परेका छन्। जंगलमा १३ र १५ वर्षीया किशोरीहरूको शव क्षतविक्षत अवस्थामा फेला परेको अछाम प्रहरीले जनाएको छ।
प्रहरी नायब उपरीक्षक (डीएसपी) ईश्वरीप्रसाद भण्डारीका अनुसार घटनाबारे जानकारी आएपछि प्रहरी टोली शनिबार राति नै घटनास्थल पुगेको थियो। तर, राति भएकाले विस्तृत विवरण संकलन गर्न कठिनाइ भएको र अनुसन्धान जारी रहेको उनले बताए।
प्रमुख जिल्ला अधिकारीको नेतृत्वमा आज बिहान अर्को टोली घटनास्थलतर्फ जान तयारी गरिएको छ। शवको अवस्था हेर्दा घटनाले शंकास्पद संकेत देखाएको प्रहरीले जनाएको छ।घटनाबारे थप विवरण आउन बाँकी छ।
