काठमाडौं: प्रधानमन्त्री केपी शर्मा ओलीले शिक्षा, विज्ञान तथा प्रविधि मन्त्रालयको नेतृत्वका लागि रघुजी पन्तलाई नियुक्त गर्ने तयारी गरेका छन्। स्वास्थ्य समस्याका कारण मन्त्री विद्या भट्टराईले राजीनामा दिएपछि प्रधानमन्त्री ओलीले नयाँ नेतृत्वका रूपमा पन्तलाई अघि सारेका हुन्।
प्रधानमन्त्रीका प्रेस सल्लाहकार रामशरण बजगाईंका अनुसार पन्तले सम्भवतः भोलि (बिहीबार) पद तथा गोपनीयताको शपथ लिनेछन्। पूर्वमन्त्री भट्टराईले गत सोमबार स्वास्थ्य अवस्थाका कारण देखाउँदै पदबाट राजीनामा दिएकी थिइन्।
