हिजो राति देखिको अबिरल वर्षाको कारण बझाङमा पहिरो गएको छ ।बझाङको बुङ्गल नगरपालिका १० टुमेडाका वीर बहादुर धामीको घर पहिरोले पुरेको छ । राति करिब १ बजे घरमाथी बाट आएको पहिरोले धामी परिवारका ४ जना को मृत्यु भएको स्थानीय केदार मा वि का शिक्षक भरत महराले जानकारी दिए । मृत्यु हुनेमा वीर बहादुर धामीकि श्रीमती अन्दाजी ५५ बर्षिया काली घामी, उनकी बुहारी अन्दाजी २८ बर्षिया गोल्की देवी धामी, नातिनीहरु अन्दाजी ६ बर्षिया आशिका धामी र ३ बर्षिया लक्ष्मी धामी रहेको उद्दारकार्यमा खटिएका शिक्षक महराले बताए ।
त्यस्तै वीर बहादुर धामी परिवारका ५ जना र १ पाहुना गरि ६ जना बाँच्न सफल भएका अर्का स्थानीय डवल कुँवरले बताए। पहिरोले धामी परिवारका ६ बाख्रा च्यापेको छ साथै घरमा भएको सम्पुर्ण अन्न लुगाकपडा र पैसा पुरिएको कुवरले जानकारी दिए ।अहिले स्थानीय र प्रहरीले उद्दार कार्य गरिरहेका छन ।
