डडेल्धुरा – डडेल्धुराको भागेश्वर गाउँपालिका–३ बिरखम बस्ने ६० वर्षीया जसु देवी भट्ट लागू औषधसहित पक्राउ परेकी छिन्।
गोप्य सूचनाको आधारमा प्रहरी निरीक्षक भान सिंह धामीको कमाण्डमा खटिएको टोलीले भट्टको घरबाट चरेश जस्तो देखिने कालो पदार्थ बरामद गरेको हो। बरामद चरेशको तौल २८७ ग्राम रहेको प्रहरीले जनाएको छ।
भट्टलाई नियन्त्रणमा लिएर जिल्ला प्रहरी कार्यालयमा राखी थप अनुसन्धान भइरहेको प्रहरी स्रोतले जानकारी दिएको छ।
