कैलाली। कैलाली जिल्लाको बर्दगोरिया गाउँपालिका–३ मा प्रहरीले जुवा खेलिरहेका ११ जनालाई पक्राउ गरेको छ। खैरेनीका ३४ वर्षीय जीवन खत्रीको घरमा जुवातास खेलिरहेको अवस्थामा खत्रीसहित ११ जनालाई प्रहरीले नियन्त्रणमा लिएको हो।
प्रहरीका अनुसार पक्राउ परेकाहरूबाट नगद रु. ६२ हजार ८५५ र ७ गड्डी तास बरामद गरिएको छ। घटनास्थलमा पुगेको प्रहरी टोलीले उनीहरूलाई रंगेहात पक्राउ गरेको हो।
कैलाली प्रहरीले जुवा खेल्ने तथा खेलाउने गतिविधिमा संलग्न व्यक्तिहरूमाथि कडा निगरानी राख्दै आएको जनाएको छ।
